Սպասարկման որակի նկատմամբ գիտակցված վերաբերմունքը՝ որպես մրցակցային առավելություն, դարձել է համաշխարհային միտում։ Կատարված հետազոտությունները հետաքրքիր պատկեր են բացահայտել․ ընկերությունների 82%-ը կարծում է, որ սպասարկման բարձր որակը մրցակիցների նկատմամբ ունեցած առավելության գլխավոր ցուցիչն է։ 77,5%-ը համարել է, որ հաճախորդների սպասարկման որակը ստրատեգիական է և ընկերության եկամուտի վրա է ազդում։

Հաճախորդների սպասարկումը հեշտ բան չէ։ Հարմարավետ, նորաձև կահավորված սրահը, հաճելի բույրերը բավական չեն, որպեսզի ձեր գրասենյակ ոտք դրած հաճախորդը գոհ հեռանա, դեռ մի բան էլ խոսի ձեզ մոտ իր ունեցած լավ փորձառության մասին։ Սպասարկումը բարդ գործընթաց է, որի որակը պայմանավորված է տարբեր հանգամանքներով։

Հաճախորդները դիմում են ընկերություն իրենց կարիքները, պահանջմունքները բավարարելու համար։ Բնականաբար, անձնակազմից նրանք ակնկալում են որակավորված օգնություն, օգտակար խորհուրդներ, և իհարկե, հարգանք։ Յուրաքանչյուր հաճախորդ կարևոր է։ Եվ կապ չունի, թե տվյալ պահին սրահում քանի հոգի է կանգնած, հերթ է, դուք հոգնած եք, անձնական խնդիրներ ունեք և այլն։ Դա հաճախորդի խնդիրը չէ։ Նա եկել է գրասենյակ, որպեսզի գտնի իր հարցի պատասխանն ու խնդրի լուծումը։ Ի՞նչ անել, որ հաճախորդը ժպտալով դուրս գա գրասենյակից, նույնիսկ եթե մերժում է ստանում ինչ-որ հարցում։ Ցավոք, սովորաբար ուսումնական հաստատությունները նման գիտելիքներ չեն տալիս, այդ պատճառով գործատուի ուսերին է դրվում անձնակազմին սովորեցնելու պատասխանատվությունը՝ ինչպիսին պիտի լինի գերազանց սպասարկումը։

Անհնար է ունենալ գոհ հաճախորդ՝ չունենալով սպասարկման բարձր որակ։ Սպասարկման որակն ու հաճախորդի գոհունակությունը նույն մեդալի տարբեր կողմերն են, այսինքն՝ մեկն առանց մյուսի չի լինում։

Մենք կարևորում ենք մեր ոչ միայն սպասարկման, այլև մյուս բաժինների աշխատակիցների շարունակական ուսուցումն ու հմտությունների կատարելագործումը։ Մեր նպատակն է դառնալ շուկայի ամենահաճախորդակենտրոն ընկերություններից մեկը, ու մենք պատրաստ ենք ցանկացած ջանքեր ներդնել այդ ուղղությամբ։ Մենք հասկանում ենք, որ ընկերության հեղինակությունն ու հաջողությունը պայմանավորված են աշխատակիցներով։ Խոսքը հատկապես նրանց մասին է, ովքեր «առաջին գծում» են աշխատում, որովհետև նրանք են ընկերության դեմքը, նրանց շուրթերով է խոսում ընկերությունը։

Այդ է պատճառը, որ մեր թիմը մտահղացավ #իմհաճախորդ արշավը։ Գերնպատակը սպասարկման ոլորտում առկա խնդիրների վերհանումն է։ Խնդիրների վերլուծությունը թույլ կտա նշել ընկերության աշխատանքի թույլ կողմերը, բացթողումները և դրանց համար համապատասխան լուծումներ գտնել։ #Իմհաճախորդ արշավի ընթացքում մենք խնդրում ենք մեր սիրելի հաճախորդներին ոչ միայն գնահատել սպասարկման որակը, այլև ներկայացնել իրենց կարծիքը, առաջարկությունը՝ ինչ կցանկանային փոխել։

Էլ ինչ արշավ առանց նվերների։ #Իմհաճախորդը նվերառատ է, իսկ գլխավոր մրցանակը 3 տարվա ԱՊՊԱ պայմանագիրն է։ Կուզեիք չէ՞ ունենալ ԱՊՊԱ, բայց տարեկան ապահովագրավճարը ձեր փոխարեն ապահովագրական ընկերությունը կատարեր։ Ահա և հնարավորությունը։ Հավելենք, որ խաղարկվում են նաև այլ նվերներ՝ ապահովագրական հետաքրքիր և օգտակար փաթեթներ։ Արշավը մեկնարկել է սեպտեմբերի 2-ին և կշարունակվի երկու ամիս։ Այդ ընթացքում պետք է այցելել ՆԱԻՐԻ ԻՆՇՈՒՐԱՆՍԻ երևանյան գրասենյակներից որևէ մեկն ու լրացնել #իմհաճախորդ հարցաթերթիկը։ Հաղթողները կորոշվեն պատահականության սկզբունքով։Շնորհակալ ենք ձեր գնահատականի և կարծիքների համար։

Մեր ընկերության աստղը հաճախորդն է։ Օգնեք մեզ մեր գրասենյակներ ոտք դնող յուրաքանչյուր հաճախորդի աստեղային սպասարկել։